Maht 170 lehekülgi
2021 aasta
Тэатр шчасьлівых дзяцей
Raamatust
«Тэатр шчасьлівых дзяцей» – гэта беларускае фэнтэзі з элемэнтамі палітычнага трылеру. Дзіцячая кніга, якую, спадзяецца аўтар, будзе цікава прачытаць і дарослым. Як выбрацца з пасткі, ня маючы ні тэлефона, ні зброі, і знайсьці зьніклых сяброў? Колькі твараў у туману? Што такое гісторыя – і калі канчаецца мінулае? Якую таямніцу хаваюць нашыя бацькі – і ці чуе нас Бог, калі мы маўчым? Гэтымі пытаньнямі задаюцца героі кнігі, Лявон, Анцік і Юля, нечакана апынуўшыся ў таямнічым краі, які ня знойдзеш ні ў Вікіпэдыі, ні на школьных мапах.
У турму садзяць для таго, каб іншыя баяліся. Тыя, хто на свабодзе… Для чаго яшчэ будаваць турму? Вось калі б я і праўда нешта зрабіў благое… Быў бы ўжо багатым і паважаным чалавекам. Начальнікам.
Як гэта ўсё ж складана: жыць, верачы ў Бога. Калі ня можаш нікуды схавацца, нават на хвілінку
Схлусіць – значыць сказаць няпраўду. А не сказаць няпраўду – значыць сказаць праўду.
А законы былі такія. Усе мусілі хлусіць. І рабіць выгляд, што вераць любой хлусьні. Усе мусілі маўчаць, калі бачылі несправядлівасьць.
