Oltin yurakli Avtobola

Talonchilar to‘dasining boshlig‘i Bekxo‘ja mashhur ixtirochi olim Kamtariyga qasdlashib qolib, uning kishi larga ko‘makdosh bo‘lishi uchun yaratgan “Avtobola” deb atalmish robotini o‘g‘irlab ketadi va undan o‘zining qora niyatlari yo‘lida foydalana boshlaydi. Avtobola birda juda-juda kulgili, birda o‘quvchini qattiq hayajonlantiruvchi voqealarni boshdan kechiradi. Orada, Bekxo‘janing asrandi o‘g‘li bilan do‘stlashib qoladi va ikkalasi birgalashib, yovuzlikka qarshi isyon ko‘tarishadi. O‘zbekiston xalq shoiri Anvar Obidjonning bu qissasi yosh kitobxonlar orasida dovrug‘ qozona borib, keyinchalik mazkur kitob asosida sahna asari yaratildi, kinofilm suratga olindi.