EŞQİN GÖZ YAŞLARI ŞƏMS TƏBRİZİ

Şəms Təbrizi və Mövlanə arasındakı ilahi eşq haqqında onlarla romanlar, araşdırmalar yazılıb, yəqin ki, bundan sonra da yazılacaq… Sinan Yağmurun bu romanı daha çox Molla Cəlaləddini Mövlanə eləyən Şəms Təbrizinin ömür hekayətidi. Roman boyu Şəms ömrünün məqsədinə – Mövlanəyə doğru getdiyini və bu yolda hansı əzablara qatlandığını danışır. “And içirəm ki, ölümümün gözlərinin önündə baş verməsini istərdim. Gör ki, eşq üçün ölmək nə deməkmiş”. Bu, Şəms Təbrizinin Mövlanə sevdasıdı.