Michele Boccadifuoco, dalla destra, in mezzo a due carabinieri, ammanettato. È un uomo sui trentacinque, alto, robustissimo, pieno di forza. Un terzo carabiniere allontana la folla che segue Michele. Nella folla sono Filomena, Furturella e Tittariello.
La folla nella sala tace, curiosa.
Passaggio! Passaggio!
Sie' Filumè?.. Addo' sta?..
Sto ccà.
Mamma addo' sta?
Sta ccà: sta venenno appriesso…
Tenitevella mmiezo a bbuie!
Stateve a penziero cuieto.
Furtù!
Avanti!
Nu mumento, brigadie'! Pe favore!
Don Miche', che bulite?
Teniteve a mmamma mmiezo a bbuie! Datele chiacchiere!
Jammo cu stu detenuto!
Avanti!
Jate! Lassate fa Dio ca è cosa 'e niente! (a Filomena) Ah, Signò! E ched'è? 'Onna Cuncetta è rummasa abbascio?
Sta ccà. Chella è gravante e nu' po' correre.
Sta saglienno 'a gradiata chiano chiano. 'A vedite lloco…
Ah, Mamma d' 'a Libbera! Io si nun moro stammatina nun moro cchiù!
E assettateve! (a Sgueglia) Neh, signori mieie, ce putite favurì na seggia? (prende una sedia dal tavolo di Sgueglia).
Bella figlió, ca ccà 'e segge ce servono!
E ba buono, me', pe favore… (a Concetta) Assettateve. Curaggio, curaggio!
E che guaio niro, neh, che guaio niro ch'è chisto!
Avite raggione! Ma vedite, io mo ve vulesse dicere na cosa… (si volta e prende un'altra sedia) Già, vuie sapite (siede) ca io so chiara e sincera e chello che tengo mmocca tengo pure…
Dentro al cuore. Bella figliò, v'avite pigliata n'ata seggia!
'O ssapite, si nun 'o ttenite p'offesa mo v' 'e pavammo sti segge!
E che stammo int' 'a cchiesa?
Va bene, prufessò. Mme pare ca mo vi fate troppo a ttenere per una picciulezza di nisciunissima cunziquenza!
È vero?
Ci vuole un poco di sciordezza!
Ma, vedete, io sta sciurdezza…
E va buono me! È cosa 'e niente… (sottovoce a Sgueglia) (Nun 'o rispunnite) Signo', aggiate pacienza!..
Anzi! Vi prego. Fate 'o comodo vostro. Volete un'altra sedia?
Cerini volete!
Vattenne! (Mo mm' 'a sconto c' 'o cerenaro)!
Addo' se fa, sta causa?
Là, rimpetto.
E ched'è? Già è accumminciata?..
Tittarie', trase, va vide!
Michele addo' sta?
È trasuto llà dinto.
Allora è accumminciata?
I testimoni, fuori!
Uh, Mamma d' 'a Libbera! Io t' 'o metto int' 'e mmane toie miraculose! Avummaria e grazia plena! E dominus teche… (borbotta) E nunche et in ore…
E mortissi nostri!..
E ammenne! Essì! S'è aperta 'a cappella! Ma scusate, questa nun è 'a maniera! Ccà avimmo fa 'e spezziale!
Aggiate pacienza. Chella è 'a mamma!..
Aggio sbagliato nu cunto per la terza volta!
Avvocato Maccarelli!
Nu mumento! Sto qua!
Signò, ma che stanno facenno llà dinto?
Io saccio chesto! (vedendo uscire Tittariello dalla 5.ª Sezione) Avete ragione! Povera madre! (Mannaggia chi nun te spara a te e figlieto!)
Che stanno facenno?
Mo chiammano 'e ttestimmonie!
Voglio trasì!..
Gnernò! Chillo 'o figlio vuosto nun m'ha raccumannato ato!
Emilia Forcinella!
Presente!
Furtù, lassateme!
Nonzignore!
Faciteme passà!
Venite ccà!
Silenzio!
Faciteme passà, si no mme metto a strellà comm'a na pazza!.. (si dibatte) Chillo mm'è figlio! Chillo mm'è figlio!
Ma che bulimmo fa ll'opera?
(Mantienela, ca chella sta Assunta llà dinto!)
Chi?.. (a Concetta) Aspettate!..
Lassate!
(Oh! Felice notte 'e sunatore!)
Assunta Spina esce dalla 5.ª Sezione. È vestita da popolana, con qualche eleganza. Capelli rossi, grandi occhi neri, un fazzoletto nero le si annoda sulla cima del capo e le passa sotto il mento, nascondendo una ferita alla guancia destra. È pallida, tremante, emozionata. La segue la stiratrice Ernestina.
Assunta e donna Concetta, che va verso la 5.ª Sezione, s'incontrano. Si fissano per un momento. Attorno tutti tacciono, turbati.
E ched'è? Ccà state?..
Pure ccà ncoppa?
Avesse dà cunto a quaccheduno?
Chi? Vuie? E quanno maie avite dato cunto a quaccheduno?
Be', meno male c' 'o ssapite.
E comme, nun 'o ssaccio? 'O ssaccio a spese meie!
'Onna Cuncè…
Pe revula vosta, si so' benuta cca ncoppa so benuta a fa n'opera bona!
Chi? Tu?
'Onna Cuncè!..
Tu si' benuta a fa opera bona?.. Tu mme lieve nu figlio 'a sotto 'o sciato, e po dice ca si' benuta a fa opera bona!
Siente, sie'!..
Va bene, questi sono fatti ca s'apparono a un'arda parte. Ccà stammo ncopp' 'o Tribbunale… Mannaggia 'a palella!..
(Ncasa 'a mano!)
Sentite, 'onna Cuncè…
Jammo!.. (a Assunta) Po nce 'o dicite quanno esce 'on Michele a libbertà. Sperammo ca tutto riesce a bbene…
Lassateme sentí che dice…
Il piantone!
Qui! Qui!
Vuie avite raggione. Vuie mm'avarisseve sputà nfaccia, pecchè io so' stata 'a causa e 'a corpa 'e tutto chello ch'è succieso!..Concetta(ironica)Se', se', mo mme te faie c' 'a vocca!Assunta(snoda il fazzoletto. Appare la cicatrice alla guancia: un lungo segno rosso. Afferra Concetta pel braccio e si mette un dito sulla cicatrice).Tiene mente ccà!(Sgueglia, Torelli e altri si levano e guardano, curiosi)
Se', se', mo mme te faie c' 'a vocca!
Tiene mente ccà!
Le'!..
Chesto me l'ha fatto Michele, figlieto!
Lasse!
Lassate! Ma c' 'a vulite fa vení na cosa?!
Figlieto m'ha tagliata 'a faccia!
Zitto!..
E io, nu mumento primmo, llà dinto, 'o bbedite, llà dinto… aggio ditto ca nun era stato isso!
Jammo!..
Jate, jate.
Giuseppe Citarelli!
Gué, Peppí, scétete!
Ch'è stato?..
Te stanno chiammanno! Sùsete!
Citarelli Giuseppe!
Presente! Sto ccà! E si cheste nun me fanno passà! (rivolto a Ernestina e Assunta) Faciteme passà! Premmettete!.. (entra nella 5.ª Sezione).
Federigo Funelli e Epaminonda Pesce dalla sinistra, a braccetto. Assunta è rimasta indietro, pensosa. Accanto le sta Ernestina, che sbuccia un'arancia. Si odono voci dalla 5.ª Sezione. Assunta porge l'orecchio.
('A vi' llánno!)
(E 'a do' è asciuta?) (s'accosta al tavolo di Sgueglia) 'On Diodà, ccà sta 'a livrera vosta! (a Pesce, piano) (Fatte ccà).
Padrone mio. E che ghiate facenno 'a chesti pparte?
Tengo 'e pitture int' 'a cammera mia e me n'aggio avuto ascí pe disperazione. Stanno pittanno tutta 'a cancelleria. (a Pesce, piano) (Che fa? S'accosta?)
(Mo…).
Bravo! Vi state mettendo in bello? (Assunta si accosta. A Ernestina) Bella figlió, nun menate 'e scorze nterra.
(Se sta accustanno).
Come dite? (a Pesce c. s.) (Assettammece).
Ho detto: Vi state mettendo in bello? (seguita a scrivere).
('A vi lloco!)
(Lèvete 'a nanze). Come dite, 'on Diodà?
Assettammece. (seggono accanto al tavolo di Torelli, che non se ne avvede, occupato com'è a scrivere).
Don Federì, ho detto: Vi state mettendo in bello?
Già… scusate… In bello… (pigliando una sedia e sedendo accanto al tavolo di Sgueglia). Voi permettete?
In bello!.. Bello come voi… Accomodatevi. (si rimette a scrivere).
'On Anié', servo vostro!
Oh! Padrone! (guardando Assunta e Ernestina) (N'ato accunto!).
Giuseppina Auletta!
Peppenella! Tu 'e' visto?
Uh, overo!
E mo che bbene a dicere, ccà?
Piano! E ched'è? Jate 'e pressa?
E te lieve 'a miezo? Vi' quanta cummerità!
Essì! Ha dda passà sta principessa!
Ossà, statte zitta, ca si no quann'esco te ncaso 'a mallarda int' 'e recchie!
A chi? A chi?..
Mammà!..
Giuseppina Auletta!
Presente! Presente!
A chi 'a ncase 'a mallarda?
Mammà, non fate scenate! Ca io mme metto scuorno!
No! Io aggia sentì chella che dice!
Stateve ccà!
No! Aggia trasí! (entra nella 5.ª Sezione, seguita da Ernestina).
'E' visto? Io t' 'avevo ditto ca ccà ncoppa mme ntussecavo! Mme ncasava 'a mallarda, mme ncasava! (verso la 5.ª Sezione) 'A ncase a chella bellella 'e soreta ca va facenno 'a culumbrina pe ncopp' 'e marciappiede 'e Tuleto!
Mammà! Mammà!..
Donn'Emì, che cos'è?
Adderezzateve 'o cappiello…
Ch'è stato? È stato ca na vrenzola qualunque se piglia l'ardire 'e dicere nfaccia a una signora: Te ncaso 'a mallarda int' 'e recchie! Puh! Pe la faccia 'e mammeta e pateto!
(All'arma d' 'a signora!)
Mammà, basta mo!
Chi 'a sape? Chi l'ha vista maie a sta tale e quale?
Cerini!
E nu' ve pigliate collera!
Embè, 'o crerite? M'ha fatto saglì tutto 'o sango 'a parte 'a capo!
Assettateve!.. (cerca una sedia al tavolo di Sgueglia)
('On Federì, chi è sta signora?)
('On Emilia, 'a vammana sotto all'arco d' 'o Lavenaro) Don Diodà, con permesso… (prende la sedia e l'offre a donn'Emilia).
Prego! (a donn'Emilia) Assettateve… Qui non si paga niente! (Emilia siede).
Scusi, sa!
Oh, niente, sa!
La signorina è vostra figlia?
Presento. Il mio amico Epaminonda Pesce. Macchiettista.
Ah!
Aspettate! Ma lei avete cantato all'Edèn?
A servirla.
Favorirmi! Ma allora io ve tengo stampato ncuorpo!..
Tropp'onore…
Io ve so benuta a sentì ogne sera!
Emulo di Maldacea!
Macché! (a Tina) E lei ci veniva all'Eden?
No, veramente. Io stavo scritturata a Roma…
Ah, sí? A Roma? E dove? Al Margherita?
No, no, allo Sferisterio… (restano a parlare in fondo).
'On Emì, levateme na curiosità…
'On Federí, io ho capito: avite mise ll'uocchie ncopp' 'a rossa!
Io!? No!
Va buono, 'on Federì, nuie ce cunuscimmo; jammo' a ffranche!
Ma queste sono supposizioni vostre…
E dàlle! 'On Federì, nun facite 'o ggesuita! (Lo prende per il bavero del soprabito e lo scuote).
Ma chi è?.. Na vicina vosta?
Gnernò; na vota eremo vicine. Mo essa sta a Sant'Aniello a Custantinopole, vicino a l'ispezzione 'e Pubblica Sicurezza. Sapite chella puteca 'e stiratrice ca int' 'a staggione tene chella perziana verde?..
Ho capito. Ma voi…
Io sto sempe 'o Lavenaro, sott'all'arco. E accussì poco ce vedimmo cchiù. (Cava di tasca un pacchettino). Vulite nu poco 'e ciucculata Sciusciarre?
Grazie. Dunque voi siete testimone alla causa?
Precisamente.
E chillo c'hanno purtato llà dinto, chi è? (indica la 5.ª Sezione).
Chi? 'On Michele? E 'o nnammurato d'Assunta.
Ah? Così si chiama?
Chi?
Assunta?
Assunta Spina. E che spina!..
Giovanni Mazzarella!
Presente!
Pe ve fa capì a buie, st'Assunta mo so' quase tre anne ca sta cu stu don Michele, ch'è nu chianchiero abbascio 'e Ccavajole.
Nucchiù?
E pecchè? Che l'avite dicere? Ma mo sapite ca 'e chianchiere manteneno 'e femmene meglio d' 'e signure?
Già: e po' lle tagliano 'a faccia!
'On Federì, nun ce facimmo maste! Mo ce vo, io 'so femmena e avarria piglià 'e pparte d' 'e femmene. Ma sta vota Assunta ll'ha vuluto essa! Neh, diciteme na cosa; chesta nun teneva cielo pe vedé e terra pe cammenà, e chillo ha pigliato e ll'ha fatto uno 'e tutto: veste, scarpe, suttanine, cammise, l'armario, 'o sigrité; basta quanno ve dico uno 'e tutto, uno 'e tutto…
Va bene, ma…
Mo! E sentite! Vulette essere aperta na puteca 'e stiratrice a Sant'Aniello, e stu don Michele, piglie…