Loe raamatut: «Loqopedik çalışmalar dəftəri»

Mətn və şeirlərin müəllifi: © Fərəh İsmayılzadə

İdeya və tərtibat: © Fərəh İsmayılzadə

Vəsaitlə bağlı suallar vermək üçün: E-mail: sahara@gmail.com

Bu məhsul müəllifə məxsusdur. Müəllifin razılığı olmadan bu kitabdan hər hansı mətn, ideya, ifadə, şeir, personajların şəklini kopyalamaq və yaymaq qadağandır.

Bu loqopedik çalışmalar vəsaiti 5-6 yaş uşaqlar üçün nəzərdə tutulub. Peşəkar loqopedin konsultasiyası ilə hazırlanmış bu vəsaitin əsas məqsədi uşağın tələffüzünü yaxşılaşdırmağa yönəlib. Artikulyasiya çalışmaları mübahisəli səsləri (r—l, z—s, j—ş) səlis deməyə kömək edir. Vəsait çox funksiya daşıyır. Belə ki, nağılları və təbiət şəkillərini təsvir etməklə, uşaqlar nəql etmək bacarığını, öz fikirlərini ifadə etməyi öyrənəcəklər. Səslərin tələffüzü nəzərə alınmış şeirlərdə və yanıltmacalarda çətin səslərin avtomatlaşdırılması nəzərdə tutulur. Bununla yanaşı, Azərbaycan əlifbasının bütün hərfləri mərhələ-mərhələ öyrənilir, hər hərfə aid sözlər və ifadələr yazılır. Beynin hər iki yarımkürəsinin inkişafına aid çalışmalar var. Astronomiyaya aid şeir həm tələffüzü yaxşılaşdırmağa, həm də planetlərin adlarını öyrənməyə kömək edəcək.

Vəsaitdə həm Azərbaycan xalqına məxsus yanıltmacalar, həm də müəllifin yazdığı yanıltmacalar verilib. Astronomik saymacanın rus dilindən tərcüməsi həmçinin müəllifə aiddir.

2022-ci il.

Jaket, pijama, jurnal —

Burada ”j” hərfi var.

Altından xətt çəkirsən,

“J” hərfin öyrənirsən!

1.      Şəkildə nə var? 4—5 cümlə quraraq, şəkildəkiləri təsvir et. Oyuncaqların rənglərin sadala.