Асосий қаҳрамонларим – ҳақиқат

Улуғ рус адиби Лев Толстой асарларининг мазкур тўпламига санъаткор яратган дилномалар – мактублар, хотиралар – кундаликлар, «Ҳожимурод» қиссаси ва «Иқрорнома»си киритилди. Бу асарларни ўқиб, мутафаккир адибнинг қалби, маънавий дунёси, бетакрор ижодий қиёфаси билан янада яқинроқ танишамиз. Санъаткор бир умр ўз юксак идеалларини мардона ҳимоя килганига, хар қандай бойлик, шон-шуҳрат, мартабаю мукофотлардан баланд тура олганига, ҳеч қачон эътиқодини ўзгартирмаганига қойил қоламиз. Улуғ адиб яратган улкан ҳайратлар олами билан янада чуқур танишиш бахти муяссар бўлганидан дилимиз кувончга тўлади.Толстойнинг улуғвор калб олами – турфа гуллар, чечаклар чаманзорига ҳуш келибсиз, азиз китобхон!