Raamatu kestus 350 lehekülge
DAMAZLIQ QIZIN ƏHVALATI
Raamatust
Of-Fred əvvəllər Birləşmiş Ştatlar adlandırılan Gilead Respublikasında, dini-totalitar dövlətdə xidmətçidir. O, Komandor Fred Uoterfordun evinə göndərilib; onun adı Of-Freddir, yəni “Fredə məxsus”. Of-Fredin yalnız bir vəzifəsi var: doğub-törəmək. Əgər o, viranə qalmış, kimsəsizləşmiş dünyanı yenidən məskunlaşdırmaq üçün seksual köləliyə girməkdən imtina edərsə, asılacaq. Amma, hətta repressiv bir dövlət də ümid və arzunu yox edə bilməz. İnqilabdan əvvəlki həyatını ara-sıra xatırlayan Of-Fred günümüzün qorxunc işgəncə və təqiblər dünyasında, həmçinin gələcəyinin asılı olduğu iki kişi arasında vurnuxmağa məcburdur.
Məharətlə düşünülmüş və təsvir edilmiş, gələcəyə dair bu maraqlı mənzərə Marqaret Etvudu distopik fantastikanın ön cərgələrinə çıxarır.
Və Rahil Yəqub üçün uşaq doğmadığını görüncə, bacısına həsəd apardı və Yəquba dedi: mənə uşaqlar ver, yoxsa ölürəm.
Yəqub Rahilə qəzəblənib dedi: məgər mən Allaham ki, rəhmin barını səndən əsirgəyim?
Və Rahil dedi: bu, kənizim Bilhadır, onun yanına gir; qoy, dilərimin üstündə doğsun ki, mənim də ondan uşaqlarım olsun.
Varlıq, 30: 1-3
O ki qaldı mənə, illər boyunca təkəbbürlü, boş, mənasız fikirlər irəli sürməkdən yorularaq, nəhayət, müvəffəqiyyətdən tamamən ümidimi kəsdikdən sonra çox şükür ki, bu təklifdən dördəlli yapışdım…
Conatan Svift. Təvazökarcasına bir təklif
Səhrada, “Daş yeməməlisən” deyə əmr edən bir lövhə yoxdur.
Sufi məsəli
