Мәхәббәткә генә ышанам…

Күренекле башкорт шагыйрәсе, Башкортстан Республикасының атказанган мәдәният хезмәткәре, Р. Гарипов, Ф. Кәрим, Б. Бикбай исемендәге әдәби премияләр лауреаты Тамара Ганиева иҗатының төп үзенчәлекләре – туган халкына, ватанына, туган ягына мәхәббәт, милләтенең гореф-гадәтләрен, инану-ышануларын, рухи тамырларын ачып салу, туган тел язмышын кайгырту, тарих катламнарын күтәреп, үткәндә булган шанлы вакыйгаларны аһәңле шигъри тел аркылы хәзерге укучыга җиткерү.

Әлеге китапта шагыйрәнең лирик шигырьләре һәм «Җиһан», «Кануннар», «Әниемә тәкбир» поэмалары урын алды.