İdeal yaddaş üçün 5 addım

Özümü motivə etdiyim zamanlarda Rus saytlarından daha çox istifadə edirdim, çünki Azərbaycan internet baza-sında bəzi məlumatlar yox idi. Və bununla çox maraqlı mə-lumatları: blogerliyin sirləri, saytların qurulması, oratorluq haqqında və sairə yazılmış dərsləri izlədim (Oratorluqdan aparıcılıqda və video dərslərin hazırlanmasında istifadə edi-rəm). Bir gün YouTube video axtarış sistemində qarşıma yaddaşla bağlı video çıxdı və mən onu izləyib təlimata uy-ğun Rus dilində olan "İdeal yaddaş üçün 5 addım" kitabını əldə etdim və oxudum. Çox maraqlı taktikalar, günlük eks-perimentlər, müxtəlif təbii bitkilərin istifadə üsulları yazıl-mış bu kitab mənə çox şeyi öyrətdi və mən fikirləşdim ki, ni-yə Azərbaycanda belə bir kitab olmasın. Və kitabın müəllifi Andrey Kosenko ilə əlaqə saxladım. Kitabın tərcüməsinə ra-zılaşandan sonra başladım tərcüməyə…

İnanıram ki, bu kitaba görə siz daha uğurlu, daha gö-zəl düşüncələrlə gələcəkdə addımlayacaqsınız. Uğurlar!

Kitabın müəllifi

Mənim adım ANDREY KOSENKO-dur.

Mən "Romantika və Sevgi Dün-yası"nın – http://world-of-love.ru saytının müəllifiyəm.

Kitabı yazdığıma (2009-cu ildə) qədər artıq 10 ildir ki, özünü inkişaf etdirmə və özünü təkminləşdirmə (informasiyanın yadda saxlanması və yaddaşın, təfəkkürün inkişafı, improviza-siya; şəxsi intizam, təşkiletmənin inkişafı) ilə məşğul oluram.

Mən həmişə inkişaf edi-rəm və bu çox maraqlıdır. Rusi-yanın şimalında, kiçik şəhərdə doğulmuşam və məktəbi bitirmişəm. Ali təhsili isə Sankt-Peterburqda almışam, bir il Moskvanın beynəlxalq şirkətlə-rinin birində müdir vəzifəsində çalışmışam, son bir neçə ildə internet saytlarının yaradılması ilə (300-dən çox) məşğulam.

Məmnuniyyətlə, hər gün inkişafımda mənə yardımçı olan biliklərimi sizinlə bölüşəcəyəm! Uğur olsun!

***

1. Yaddaşla bağlı suallarla məşğul olmağa necə başladım

Yaddaşla bağlı mövzularla məşğul olmağa necə baş-ladığımı sizinlə bölüşmək istəyirəm. Həmişəki kimi hər şey bir qadına görə oldu. Mən universitetin ikinci kursunda oxu-yurdum. Bir gün hansısa yığın-caqda gözəl və həm də bir az ləçər qadınla rastlaşdım. Bir az danış-dıq. Onun xoşuna gəlmək üçün Mayakovskinin şeirinin bir bən-dini oxudum.

"Fəqət

sevinc vermir mənə heç bir cingilti

sənin sevgili adının

cingiltisindən başqa.

Atmayacağam

bir boşluğa özümü,

zəhər içməyəcəm".

Bununla da söhbət davam etdi. Qız soruşdu ki, özüm şeir yazırammı. Məndə: yox, yazmıram, bir-iki dəfə cəhd et-mişəm, amma alınmayıb. Nə vaxt ki, ayrılmaq zamanı gəlir-di və növbəti görüşü təyin edirdik, o, deyirdi: əgər mənə yeni şeirlər oxusan – dostluğumuz davam edəcək.

Bu məni çox maraqlandırdı, mən yeni-yeni məlu-matlar axtarmağa başladım: şeirləri effektli, məhsuldar necə öyrənməli. Ona görə ki, əvvəllər mən hər kəsə tanış olan üsulla öyrənirdim. Əvvəl ilk bəndi öyrənir, onu baxmadan üç dəfə təkrar edirdim, sonra ikinci bəndi, sonra da 2 bəndi eyni vaxtda təkrarlayırdım – əgər hansısa yerdə çaşırdımsa yenidən başlayırdım. Bu çox vaxt alırdı və mən şeiri tez əz-bərləməyin üsullarını axtarmağa başladım. Yoxlayırdım və nəticə də görürdüm ki, məndə hər şey effektli alınır.

Bununla yanaşı rəqəmləri yadda saxlamaqla maraq-lanır, məşq edirdim. Tezliklə, mən 20 dəqiqəyə 100 ikirə-qəmli ədəd yadda saxlayırdım. Bu da qızı təəccübləndirmək üçün növbəti addım idi.

Sonra da rəqəmləri yadda saxlamaqla yanaşı kartla-rın dəstələrini yadda saxlamağa çalışırdım. O qədər məşq et-dim ki, 52 kart daxil olan 2 dəstə kartı qarışdırıb masanın 2 üstünə düzürdüm və yadda saxlayırdım. Sonra isə cüt-cüt açaraq adlarını deyirdim. Hətta elə olurdu ki, 2-3 səhvdən başqa hamısını düz açırdım.