Тарихнинг номаълум саҳифалари. Бешинчи китоб

Мазкур рисола «Қатағон қурбонлари хотираси» музейи ва «Шаҳидлар хотираси» жамоат фонди томонидан тайёрланган даврий тўпламнинг 5-китоби бўлиб, унда мустамлака даврида мамлакатимиз ва халқимиз ҳаётида рўй берган, аммо мутахассислар томонидан кам ўрганилган муҳим масалаларга оид илмий мақолалар, ҳужжат ва материаллар, шунингдек, мураккаб давр фожиаларини ўз бошидан кечирган кишилар битган хотиралар жой олган.Ушбу китоб Ватанимизнинг яқин ўтмишини ўрганиш, тадқиқ этиш билан шуғулланувчи тарихчи, адабиётшунос, файласуф ва ҳуқуқшунос олимлар, аспирантлар ҳамда олий ўқув юртларининг тарих факультети талабаларига мўлжалланган.